OGOTERA 251 - 275

EKERO TORAGAMBIGWE   1 Ekero toragambigwe, `Bogima gos` ogokwa; Natobe bun`edhahabu? Gose bun`amabiria.   Chorus: Kwarengirwe n`Omonene, Kwarengirwe; Kwarengirwe nering`ana, Kwaremeirwe.   2 Toigw` amang`an` amaya; "Omosomba omuya," Gose nayare amabe, Kwaremeirwe omobe.   3 Ntomoigwere Omoika, Tonyore amabera; Gose tebana ekina, Kia Nyasae kenachwe.

RITUKO RINENE NGOCHICHA RIRE   1 Rituko rinene, Ngochicha rire, `Go rikonagosuka gocha; Abachenu n`abanyabibe mbaatananwe, Nore ang` ase rituk`erio?   Chorus: Nore ang`e, Nore ang`e, Nore ang`e rituko ri`ekina? Nore ang`e, Nore ang`e, `Se rituk`erio?   2 Ituko rikomesa, Ngochicha rire, `Go rikonagosuka gocha; `Borabu bwaye bocher` abanchet` Omonene, Nore ang` ase rituk`erio?   3 Ituko ri`omoichano, Ngochicha rire, `Go rikonagosuka gocha; `Ker`ababe baraigwe "Genda timbamanyeti", Nore ang` ase rituk`erio?

EKINA GIACHAKIRWE_IGORO   1 Ekina giachakirwe_Igoro, Naki ntwe torateneneo; Anache Nyasa` Omogambi, Ker`ogokora n`enchera.   Chorus: Naki ntwe torantenene, Rituko riria rinene; `Go toratoke twaremeirwe, Gos`ebibe biatinyigwe?   2 Abakure banacheirw` ekina, Erio nyuma abare moyo; Bonsi nabanyorerw` ekina, `Kina getari mabera.   3 Naki torabe ase_ ekin` ekio, Ebibe bikoorokigwa; Kogiaikire konachwa, Kina getari goonchoka.

NTOMANYETI_ENSA   1 Ntomanyeti_ensa `Ker` Omonen` agocha; Twarorir` ebimanyererio ebinge; Twamanyire Ere nachiche, Korende ntomanyeti ensa.   Chorus: Nachiche, Torende tobe ang`e, Nachiche, Omotoria haleluya; Nachiche, as` amare a Tata, Ko ntomanyeti_ensa.   2 Borabu mboreo `s`abagotoreka, `Keene nker` as` ebuku ya Nyasae; `Ker`obobani bwaraga ng`a ngoch`are, Ko ntomanyeti_ensa.   3 Torende, tosabe chitaya tochiokie, Tokor`emeremo goik` Omonen`ache; Natotere, togok`ere kagochicha, Ko ntomanyeti_ensa.

TENEN` AS` EKEENE   1 Tenen` as` ekeene Gwer `Omonene, Basike bari `abake`Mogand` o Danieli.   Chorus: Mobe buna Danieli, Tenena mweka, Mobe n`ogwancha okonge timoiroka.   2 Bant` abange basir` as` obwoba bwabo, Ng`a mbab` abakong`u babe buna Danieli.   3 Bant` abanene mono bare_im`as`ense, Mbagwe bakoumer `omogand` O Danieli.   4 Imoki` ebendera mobue `babisa, Moserie Saitani_as`eriogi ria Danieli.

NYASAE KARACHE KOGAMBIA   1 Nyasae karache kogambia, Ebisaku bi` ense eye; Gatwarangerigw` ekin` ekio, Nkogamba ki toragambwe.   Chorus: Nabobek` obori bwaye kiage, N` omoiruro nayotugute Naki torab` as` ekin` ekio, Rituko ri` okobokigwa?   2 Toigwe Yeso ogotebia, "Mbuya mon` omosomb` one"; Gose toserigwe kegima, N` abanto ababe bonsi.   3 `Gok` eker` aror` abaye, Babwat` ekemanyererio; Babeke chianga chindabu, Batenene ang`e nere.   4 Tosabe rigoro twaganya, Chitaya chiaito chiogete; Ker` omonywomi akorangeria, Ntobe ang`e kogenda nka.   5 Natomenye na gosemeria. `S` okogany` engaki eyio; Ker` orogendo rwaerire, Toikarens` as` obonene.

KO RIRUMBE RIASIRERE   1 Ko rirumbe riasirire korwa as`ebitunwa, Omobaso okobara ogotongia emambia; N atosome rirube riaye ri`obwanchani bwaye, Tomanyane twensi buya, rirumbe rigosira.   Chorus: Tomanya ---- ne buya pi, (Tomanya ---- ne buya pi) Totare ---- amo twensi, (Totare ---- amo twensi) Bogokia-- moka_igoro, (Bogokia ---- moka `goro) Rirumbe ---- rigosira, (Rirumbe rigosira) Bogokia ----- moka_igoro, (Bogokia ---- moka `goro) Rirumbe-- rigosira, (Rirumbe rigosira)   2 Tokomocha koinyora buna intwe namaroba, Togosaria amachiko na gochandeka tweka; Chimbaba chiaye chindabu chitub` ebibe biaito, Okorenda gokoera, rirumbe rigosira.   3 Rirumbe rigototuba, Tata natomanyete, `Bosi` as`obosio tomanyane, na baria twanchete; Korwa ng`umbu yabarire buya, yakiamokire, Ekiriri kegoeta, rirumbe rigosira.

NATORORANE NA YESO   1 Natororane na Yeso, Obosio as` obosio; Nomochengo rituk` erio Kondaror` Omotoria.   Chorus : Natororan` as`amaiso, aria seito Igoro; Nase obonene bwaye, Nimorore botambe.   2 Tinkonyara komomanya, Buna are Ere bori; Korend` ekero arache, Nimorore bun`are.   3 Biserigwe korw` as`are, `Mariga n` omoichano; Egesiru nakeirane, `Bobisi bomanyeke.   4 Bosio as`obosi` ekeene! Omogoko nobeo; Nimbe n`omogoko bori, Kondaror` Omotoria.

NTOUMERAN` ARIA ROCHE   1 Ntoumeran` aria roche, `S` Amalaik` amenyete, Morind` omokenonoku, Okorw` ase Nyasae.   Chorus: Toumerane twensi roche, As` agay` oroch` oruya mono;   Toumerane n`abaye bonsi, `S` oroche rwa Nyasae.   2 `S` engegu y` oroche roria, Rw`amache akomesa; Totere na gosasima, Botamb` as` omogoko.   3 Gator` ang`e goika roche, Totige chigurube; `S` obuya natotorigwe, Aru` eyanga n`egutwa.   4 Bwango ntoik` aria roche, Tokore orogendo; Chinkoro chigoke mono, Totere n`omorembe.

EMEREMO EKOERA   1 Emeremo ekoera twamboke nyancha ng`umbu, Nindor` emambi` engiya y`obonene; Nimomany` Omotoria ko ndaike aria_igoro, Nankwanie n`omogoko Omonene   Chorus: Nimomanye, nimomanye, Ko ndatenene ang`e as`are; Nimomanye, Nimomanye, Kondarore amabok` aye.   2 Naki ndagoke mono ko ndarore Nyasae, Kondaror` obosio bway` obwororo; Nimobake as` obwanchani n`obuya bwonsi, Bwandoseiri` obomenyo aria_igoro.   3 Abanchani baito bonsi_abakure as` ens` eye, Bakwete n`okwegena kwa Nyasae; Natogoke mono koumeran` aria_igoro, Ko ninganie korora Yeso kubua.   4 Kondasoe omochie nechianga chindabu, Nandae as`emechando etari; Nintere n`omogoko n`ababuir` ebibe, Ko ninganie korora Yeso kobua.

`MOSALABA TOGOETERA   1 `Mosalaba togoetera, Gochia nka igoro; Ntokwobo` emeganda y`ebibe Tat` otorendire.   Chorus: Nka, nka, nka, Gochia nka igoro, Mosalaba togoetera, Enka y`obwanchani.   2 Mosalaba togoetera, Yes` otang`anire; Ntomobwatie chimbaratero, Nka engeg` engiya.   3 Mosalaba togoetera, `Nchera neba embe; Nare` oratorae buya, Nka `Monen` as`ore.

NTENEN`ENGEGU YORDANI   1 Ntenen` engegu Yordani, Na korigereria; Kanani _engiy` omogoko, `S` enibo yan`ere.   Chorus: Natomeny` ens` engiy` omogoko, Aria ngumbu_as` engegu_eri` engiya; Toter` ogotera kwa Musa n`Eng`ondi, Tobe na Yeso botambe.   2 Ens`eri` engiy` erandete, Nomobaso rioka; Krist` agamba goika kare, Aseri` omosunte.   3 Ndi ndaike as` agiya, Na gosesenigwa; Ndore obosio bwa Tata, Ntimoke botambe.   4 Nkor` eichorwe n`omogoko, Tingoteban`ense; Nony` emerind` ekogusa, Ningendeo rioka.

EKER` EMEREM` EKOERA   1 Eker` emerem` ekoera, Abagesi nabairane; Bakoretana rigesa, Goika Yerusalemu.   Chorus: `Mogoko nabayorore, `Mogok`otari koera; `Mogok` ekiagera bono, `Meremo yaerire.   2 Rituko riria natotere, Komosaba, Komotogia; `Monene Yes` Omotoria, Aria Yerusalemu.   3 Natobe n`omogok` aroro, As`obomenyo bwa Tata; Obwo bwabekirwe ang`e, Aria Yerusalemu.

  264. NERE ENS` ENGIYA KOBUA   1 Nere ens`engiya kobua, As` okwegena twayerora; Tata nigo atoganyete, Gotoroseria obomenyo.   Chorus: `Ns`engiya----- botambe----- (`Ns`engiya bota - botambe) Toumeran`engegu-engiya (botambe) `Ns`engiya----- botambe----- (Ns`engiya bota---- botambe) Toumeran` engegu_engiya.   2 Natotere an` as`engegu, Amater`amay` abachenu; Ntokoba nobororo rinde, Gose kogania gotimoka.   3 Ase Tat` omuy`ore_igoro, Natomobake tomotogie, As`ekeegwa ki` obwanchani N`ebisio atosesenirie.

NTOMENY` AS` AMACH` OBOGIMA   1 Ntomeny` as` amach` obogima,   Nsok`enchenu_engiya; Yes` atoganyet` atorosie, Korosigw` okuya.   Chorus: Ntomeny` as` amach` obogima (Ntomeny` ase amache y`obogima) As` amache y`obogima (As` amache nsoko y`obogima) As` amache y`obogima (As` amache nsoko y`obogima) Ensoko y`obogima.   2 Tokorosa as` orogendo, Mbuya totimoke; Ase amache akwongora, Igo akogokia.   3 Aye nore n`erang`o gose? Inchwo ase Yeso; Yeso namache y`obogima, Oyanyw` otoreke.

AS` ENS` EYIO ENGIYA   1 As` ens` eyio engiya, Nor` omochi` omuya; Orabeo botambe, N`omosunte toiyo.   Chorus: Totinyigw` amariga, Obororo bosire Mbari kobara engaki, `Mosunte toiyo.   2 Bisieri bie chilulu, As` omochi` omuya; Chinchera chi` edhahabu, N`omosunte toiyo.   3 Bisieri bitasiekwe, Gochi `omochi` omuya; Mach` obogim` asoka, N`omosunte toiyo.   4 Tibaganeti isase, As`omochi` omuya;  Ng`ondi ner` omobaso, N`omosunte toiyo.

NGOKOR` EMEREMO N`AMATEMWA   1 Ngokor` emeremo n`amatemwa, Nimb` as` engegu_komekameka; Mb` ang`e n` Omonene ngosasima, Miaka yonsi n`obonen` ase nde.   Chorus: Ig` erabe, obonene, obonene, obonene `S` obuya nimorore obosio Neb` obonene, `bonen` ase nde.   2 As` ekeegwa ki`obuya bwaye, Naeirwe ribaga aria_igoro; Kobao ndore obosio bwaye, Miaka yonsi n`obonen` ase nde.   3 Basani mbabe` aba nanchete, Mogok` omonge ong`etanane; `Manyir` omogoko bw`Omotoria, Miaka yonsi n`obonen` ase nde.

TWABOIGURE OBUYA BW`ENSE   1 Twaboigure obuya bw`ense, Engiya echabeire,   Obuya bwaye bw`ogokumia. Ng`aki_erabe kobao! Chinchera nechia edhahabu, `Magacho ye chilulu, Tibogotebeka obuya, Ng`aki_erabe kobao.   2 Ntosiboke korw` as`ebibe, `Matemwa, n`obororo; Mechando ende tekobao, Ng`aki_erabe kobao; Obwanchani Obonge mono, Tobek`eang` endabu, `Kanisa y`Omotangi o Igoro, Ng`aki_erabe kobao.   3 Mechando yaito yonsi_eere, Rituko ri `omogoko; Torore omochi `ogoika, Ori`ochabeire mono; Buya buna omoriakari, Koumer` Omonene; Goichana tigokobao, Mosunte tokobao.   4 Ninchandeka ime as`ense, Nindengererie_Igoro; Bwango nainche nimanye onsi, Ng`aki_erabe kobao; Ntororane aase agare, As` obonen` obonge, Abachenu bonsi mbabeo, Yeso nere nabeo.

TITORI NA OBOMENYO   1 Titori na obomenyo; Omochie tori aiga: Toremigw` as` eng`an` eye, Togany` omochie ogocha,   Togany` omochie ogocha.   2 Titori na obomenyo; Torigi` omochie orache: Zayoni nka y`Omonene, Okomeka, miaka yonsi,   Okomeka, miaka yonsi.   3 Obomenyo bw`omorembe; `Batorigw` batimoke; Onye nabwate chimbaba Nkoiruruka narenge,   Ing`iruruke ntimoke.   4 Omoy`one kira igo! Omonene omanyire; Konda` nkor`obuya bwaye, Ner` ogonchorer` engaki, Ey`ogotimoka kwane.

BAGENDI NG`AI MOGOCHIA?   1 Bagendi ng`ai mogochia, Nechinyimbo koboko? Na togende orogendo, `As`ogochika Kwaye. Ebitunwa n`amagoko, Nkogenda tore nka bwoye, Nkogenda tore nka Bwoye, Ase ense engiya.   2 Bagendi nki morigetie, As`enseria engiya? Yanga ndabu ne chigutwa, korwa as`Omotoria. Tonyw`amache y`obogima, Tomeny` amo na Nyasae, Natomeny` amo botambe, Ase ense engiya.   3 Bagendi togende nainwe, Gochi` ens` eria engiya? Inchwo bono mwancheirwe, nchwo, Mosoe `mogand` oito.   Inchwo, nchwo, timototiga, Krist` oganyir` atoire. `Ganyir` atoire Bwoye, As` ens` eria engiya.

NGOIKA NKA   1 Mbek` egutwa y`edhahahu ngoika nka, Ntore chigurube chiane ngoika nka: Mboyigw` obonene. Ninter` omogano, Bw`Omotoria one ngoika nka.   Chorus: Ngoika nka (ngoika nka), Ngoika nka (ngoika nka), Bororo bwonsi mboere ngoika nka: Ngoika nka (ngoika nka), Ngoika nka (ngoika nka) Bororo bwonsi mboere ngoika nka.   2 `Mosunte bwonsi noete ngoika nka. `Moerio ndor` oborabu ngoika nka: Borabu bwa igoro, Bomorek` enchera, Bondae botambe goika nka.   3 Ndor`obosio bw`Omotoria ngoika nka, Nter`obuya bw`Omotoria ngoika nka;   Nintenen`as`are, Erio mosasime, Mbe nere botambe ngoika nka.

NAYEIGURE ENSE   1 Nayeigure ense, Egotoka are, Nomochi` omuya as` enkoro; Yes` oyoagachire, Aria titogokwa, Nense totakogota rinde.   2 Totagote totagote, `Nse ase totagote rinde; Totagote totagote, `Nse ase totagote rinde.   3 As`ens`eyi `engiya `se totatayaye, Toigwanane rioka botambe; Totogi` Omogambi, s`ogotera rioka, Nense ase totakwe rinde.   4 `Merem` ekoera tonyore egutwa, `Mechando n`amatemwa aere; Bororo boere, mariogi_igwanane, Nabanchwa abakwete kare.

NKORENGERERIA NDE   1 Nkorengereria nde Ens` eria engiya, Ndaike k`erioba rikogwa; As` obuya bwa Yeso ntenene aria, Ninyor` eng`enang`eni gose?   Chorus: Ninyore eng`enang`eni as`egutwa Mogorob` erioba rikogwa (rikogwa) Gonkoboka n`abachenu_as`omochi` oria, Ninyor` eng`enang`eni gose? (Ninyore?)   2 `Ase chinguru chiaye Yeso nindandie, Nindende mobu` omobisa; Erio ching`enang`eni nachib` echiane, Okobakwa kwaye koigweke.   3 Naki ndagok` ekero nche ndamorore, Nintung`ame komosasima; `Moy `one nogok` omochie bw`edhahabu, `Ninyor` eng`enang`eni gose?

NYANCHA NG`UMBU   1 Nyancha ng`umbu gati y`ense y`emechando, Naria Igoro Ense nere botakoira, `S`amarig` aratinyigwe.   Chorus: Nyancha ng`umbu, nyancha y`emerindo, Naigur` abanchwa bakondangeria, (Nyancha ng`umbu nyancha nyancha y`emerindo) (Naigur`abanchwa `banchwa bakondangeria) Bwango natotige emechando, Tomenye n`Omonene botambe. (Bwango, bwango natotige emechando), Tomenye n`Omonene botambe.   2 Nyancha ng`umbu, `S` Omorembe, `Bibe n`ense biaetire, Emechando yaerire, Abarosu batimoke.   3 `Yaetire, takoinyorwa, Emioy`enyore chinguru; Takobao amariga, Ase baria batorigwe.   4 Nyancha ng`umbu, `Motimoko, Yes`arangerie abaye Emerindo yaetire, `Malaika bagotera.

NCHW` AS` OMOTORIA   1 Nchw` as` omotoria totebana, `Ngana riatworokirie enchera; Na`are naintwe aiga rero, Nkorangeri`are nchwo.   Chorus: Omogoko natoyorore, Chinkoro ko chiachenekire, Natororane n`Omotoria, `S` enk`eyio botambe.   2 `Ban` abake igw`eriogi riaye, Nkoro chichenge n`omogoko; Tomochor` ere ab`oyoito, Tagotebana nchwo.   3 Rengereria nar` amo naintwe, Igw`eriogi riaye oigwere;  `Gwa ngosoror` ar` ogoteba, "Nw`abana bane nchwo."